Metro Manila, bulok kung hindi nangyari ang Martial Law

Ka Ambo / Bistado

Bawal daw ang diktador.

Sabihin ninyo ‘yan sa mga tatay n’yo!

◘◘◘

KUNG may pinakamagandang nangyari sa kasaysayan ng Pilipinas, ito ang panahon ng Martial Law.

Mas marami ang nakinabang kaysa sa naper­huwisyo sa deklarasyon ng Batas-Militar!

◘◘◘

KUNG hindi nagdeklara ng Martial Law, hindi magkakaroon ng ganap na land at agrarian reforms.

Mananatiling pag-aari ng Simba­hang-Katolika ang libu-libong ektar­yang bukirin na binubungkal ng mga magsasaka.

Mananatiling alipin ang magsa­saka ng mga asendero na hang­gang ngayon ay may kontrol ng ekonomiya ng Pilipinas!

◘◘◘

KUNG walang Martial Law, ang Pilipinas ay hawak ngayon ng CPP-NPA-NDF.

Walang kongkretong programa ang mga komunista hanggang ngayon tulad nang maupo ang mag-inang Aquino!

◘◘◘

KUNG hindi nagkaroon ng Martial Law, walang makikitang reclamation area sa Roxas Boulevard na inaari ng mga dambuhalang korporasyon.

Isang bulok na rehiyon ang Metro Manila kung walang Martial Law!

◘◘◘

KUNG walang Martial Law, walang libu-libong OFWs sa iba’t ibang bansa.

Kung walang Martial Law, walang maayos na takbo ang mga baryo sa Pilipinas!

◘◘◘

KUNG walang Martial Law, hindi mabibigyan nang maayos na tirahan ang mga taga-Tondo at taga-Caloocan dahil walang relocation site sa iba’t ibang lalawigan.

Kung walang Martial Law, mawawalan ng disiplina ang AFP at PNP!

◘◘◘

KUNG walang Martial Law, paano na ang mga titser na dati-ra­ting hindi tumatanggap ng maayos na suweldo?

Paano ang mga manggagawang dating walang minimum wage at busabos ng mga kapitalista?