Kontra-korupsiyon sa Customs — P-Digong.. Wala nang brokers!

Idinepensa ng Palasyo ang plano ni Pangulong Rodrigo Duterte na tanggalin ang mga brokers sa Bureau of Customs.

Ayon kay Presidential Spokesman Salvador Panelo ang nais lang naman ng pangulo ay magsilbi at protektahan ang taumbayan mula sa mga katiwalian.

Una nang inihayag ni Pangulong Duterte na masasawata ang korupsiyon sa BOC kung mawawala umano ang mga brokers sa ahensiya.

Agad naman itong inalmahan ng Chamber of Customs Brokers at sinabing hindi patas ang tila pag single out sa grupo nila sa isyu ng korupsiyon.

Ayon kay CBBI President Adones Carmona, handa silang lumaban para sa kanilang propesyon.

Tugon naman ni Panelo, kahit pa lumaban sila, ang mandato umano ng pangulo ay magsilbi at protektahan ang taumbayan alinsunod sa inatang sa kanyang trabaho ng Konstitusyon.