Hip Hop at Cheerdance competition bagong putahe sa 50th WNCAA

Bilang matatag na liga ng mga kababaihan, lumawig pa ito at nag­dagdag pa ng mga sports na hip hop at cheer­dance/ cheerleading competition na ipakikita sa pagbu­bukas na ika-50 taon ng Women’s National Collegiate Athletics Association sa Sabado sa MOA Arena kung saan, 15 mga kole­hiyo at unibersidad sa May­nila ang kalahok sa liga kasabay ng pagbibigay-pugay sa kanila sa 5 deka­dang pagsuporta.

Sa opening ceremony ng WNCAA na may temang @50­­Destined For Greatness ay magkakaloob ng recognition sa 19 na mga atletang na­­mayani noong dekada 70 at 80.

Ayon kay executive director Vivian Manila, ang mga schools na kalahok ay ang Assumption-Anti­polo, Assumption College San Lorenzo, Centro Escolar University, Chiang Kai Shek College, DLSU-Zobel, La Salle Antipolo, Miriam College, Philippine Wo­men’s University, Saint Jude Catholic School, San Beda College-Alabang, St. Paul College Pasig, St. Scholas­tica’s College, St. Ste­phen’s High School, University of Asia & the Pacific, University of Makati pero hindi kalahok nga­yon ang UST-Angelicum College.

Ang iskedyul ng laro sa basketball at volleyball ay tuwing Sabado at Linggo para sa Midgets, Seniors at Juniors.

Itatampok din sa kom­petisyon ang mga larong futsal, badminton, tennis, poomsae at softball na tatagal ang mga laro hanggang sa Nobyembre. (MC)