Mga lumaya dahil sa GCTA.. 658 convicts, hawak na ng BuCor

Tumaas na sa 658 in­mates ang nasa pangangalaga ng Bureau of Corrections (BuCor) na kabilang sa na­palaya sa ilalim ng Good Conduct Time Allowance (GCTA) Law.

Sa inilabas na datos ni Bu­Cor Spokesperson Sonny del Rosario, nasa 360 ang nasa pangangalaga ng New Bilibid Prison (NBP) sa minimum security com­pound sa Muntinlupa City.

Umabot naman sa 19 babaeng inmates ang nasa Davao Prison & Penal Farm, Correctional Institution for Women. Habang 131 lala­king inmates ang nasa Davao Prison Penal Farm.

Nasa 43 inmates naman ang nasa San Ramon Prison & Penal Farm sa Zamboanga City habang 28 inmates sa Sablayan Prison & Penal Farm sa Occidental Min­doro.

Sa Leyte Regional Prison 20 at nasa 48 Iwahig Prison & Penal Farm, habang nasa 9 naman na babaeng inmates ang nasa Correctional Insti­tution for Women.

Ani Del Rosario, ang na­turang bilang na mga bilanggo ay kusang sumuko matapos ipag-utos ni Pangulong Rod­rigo Duterte ang 15 days ulti­matum para sumuko ang mga napalayang preso sa ilalim ng GCTA, partikular ang may kasong heinous crime.