Tatay nakaaway, anak natagpuang patay

Isang 42-anyos na ginang ang natagpuang pa­tay sa loob ng kanilang ba­hay at ang suspek ang sarili nitong ama na pinaghahanap na ng mga awtoridad.

Ala-1:58 ng hapon nang tumambad sa mga kapitba­hay ang katawan ng bikti­mang si Mariel Imatong, 42, hiwalay sa asawa, na wala nang buhay sa loob ng bahay nila sa Bgy. Punta 1, Tanza, Cavite.

Pinaghahanap naman ang ama nitong si Tito Ima­tong, 65. Ayon sa mga kapitbahay, alas-6:30 ng gabi noong Setyembre 14, nang marinig nila ang komosyon sa loob ng bahay ng mga Imatong kung saan nag-aaway uma­no ang mag-ama.

Hindi pa malinaw ang ikinamatay ng biktima.