Hindi nagkaintindihan.. Katrabaho kinatay
Levi Gonzales
Sep 17, 2019
1 min read
Brutal na kamatayan ang sinapit ng isang construction worker matapos pagsasaksakin ng kanyang katrabaho sa Bgy. Wakas, Tayabas City, Quezon.
Alas-7:40 ng gabi, magkasama ang biktimang si Rocel Abis at ang suspek na si Oliver Pagador, sa isang inuman.
Dala marahil ng kalasingan ng dalawa nang biglang magtalo saka hinugot ng suspek ang dala nito patalim sabay saksak nang sunud-sunod sa katawan ng biktima.
Agad tumakas ang salarin habang naisugod pa sa pagamutan ang biktima ngunit, hindi na rin ito umabot ng buhay.
Patuloy naman sa pagtugis sa responsable sa naturang krimen.
Comments