Chairman, nilikida ng 2 armadong lalaki
- Pabs Hernandez III
- Sep 17, 2019
- 1 min read
North Cotabato—Isang barangay chairman ang pinagbabaril hanggang sa mapatay ng dalawang hindi kilalang armadong lalaki kamakalawa sa Bgy. Lower Paatan, Kabacan.
Nakilala ang biktimang nagtamo ng mga tama ng bala na si Chairman Ben Kandanganan, nakatira sa naturang barangay.
Nabatid na nakasakay sa kanyang motorsiklo si Kandanganan nang dikitan ng dalawang suspek na nakasakay din sa motorsiklo at agad pinagbabaril hanggang sa mapatay ang biktima.
Kaagad nagpalabas ng manhunt operation ang mga awtoridad para madakip ang mga suspek.
Inaalam na ng mga tauhan ng pulisya kung may kinalaman sa alitan ng mga magkakamag-anak sa lugar ang sanhi ng krimen.
Comments