Bahay niragasa.. 3-anyos, patay sa killer truck

Dedbol ang tatlong taong gulang na lalaki habang dalawang iba pa ang sugatan nang ragasain ng dump truck ang traysikel at bahay sa Su­rigao City, kahapon ng umaga.

Kinilala ang nasawing biktima na si Sherman Al­cantara habang nasugatan ang kapatid nitong si BJ at ang tricycle driver na si Filborg Aclo.

Batay sa paunang pagsi­si­yasat, nawalan umano ng preno ang drump truck na may kargang buhangin.

Dumiretso ang trak sa nakaparadang traysikel at sa bahay ng Pamilya Alcantara na nasa gilid ng national road sa Bgy. Cagniog.Dahil sa la­kas ng pag­bangga, nawa­sak din ang ba­hay ng pamilya.

Sumuko ang drayber ng truck na si James Castillo, na ngayo’y nahaharap sa kasong reckless imprudence resulting in homicide, seri­ous physical injury and da­mage to property.