P5 milyong shabu, nalambat sa dagat

Literal na nalambat ng ilang mangingisda ang isang brick ng hinihinalang high grade shabu na palutang-lutang sa karagatang sakop ng Jomalig, Quezon.

Pasado alas-3:00 ng ha­pon nitong Biyernes nang makita ang naturang droga malapit sa baybaying-dagat ng Bgy. Apad.

Ayon kay Police Lt. Lau­dermer Abang, umabot ng isang kilo ang nasabing shabu na nagkakahalagang P5 mil­on.

Nauna rito, nakatanggap umano ng report ang pulisya mula sa isang miyembro ng Sanggunian Bayan ng Jo­malig na si Nelmar Sar­mien­tro sa isang kahinahinalang brown package na palutang- lutang sa nasabing baybayin.