Day care teacher niratrat, todas

Isang day care teacher ang pinagbabaril hanggang sa mapatay sa mismong bahay nito sa Lapu-Lapu City.

Ayon kay Mactan Police Station Commander Police Master Sargeant Wilson Mal­­negro, kinilala ang bik­tima na si Benjamin Rosales, 43, guro sa Sacred Heart Day Care Center.

Batay sa ulat, bandang ala-1:00 ng madaling-araw ka­hapon nang sinasabing may kumatok sa bahay ng biktima sa Bgy. Pajac, at nang pagbuksan ay agad itong pinagbabaril.

Matapos umano ang pamamaril, sumakay ito sa mo­torsiklong may naka­antabay na driver. Tatlong basyo ng bala ang narekober ng SOCO team sa lugar ng krimen.

Patuloy pa ang imbesti­gasyon sa insidente.