3 bayan sa Romblon apektado ng oil spill

Kinumpirma ng Phi­lippine Coast Guard (PCG) na tatlong bayan sa lalawigan ng Romblon ang apektado ng oil spill.

Batay sa nakarating na ulat sa PCG Headquarters sa Maynila na ipinadala ng PCG-Marine Environ­men­tal Protection Unit, kabilang sa mga apektadong bayan ang Odiongan, San Andres, at Ferro, pawang nasa Tab­las Island, Romblon.

Nakumpirma ang oil spill matapos magsagawa ng ins­peksiyon ang nabanggit na unit ng PCG.

Ayon sa Environmental Management Bureau ng Department of Environment and Natural Resources, itim na substance ang nakita ma­lapit sa baybaying-dagat ng Bgy. Agpudlos, San Andres.

Ayon sa mga residente, nakakita sila ng lumulutang na debris ng langis may pi­tong araw na ang nakalilipas pero, wala naman silang na­mataang barko na naak­si­dente para maging sanhi ng oil spill.

Ayon kay PCG Spokes­man Armand Balilo, ang in­sidente ay huli na nang i-re­port ng mga lokal na re­si­dente. Posible umanong nag-leak ang mga langis mula sa isang malaking vessel o oil tanker na dumaan sa Tablas Straight.

Humingi na rin ng assis­tance ang PCG sa local go­vernment unit para sa coastal clean-up. Patuloy naman ang im­bes­tigasyon sa insidente.