Tserman pinagbabaril, patay

Dead-on-arrival sa ospital ang isang barangay chairman sa Cagayan, kahapon ng umaga.

Kinilala ang biktimang si Remegio dela Cruz, 60, kapitan ng Bgy. Bugnay, matapos pagbabarilin ng riding-in-tandem sa bayan ng Tuao.

Batay sa inisyal na imbestigasyon, minamaneho ni Dela Cruz ang kanyang sasakyan nang pagbabarilin ito alas-8:45 ng umaga.

Sa ngayon, hindi pa kilala ang mga nasa likod ng pamamaril habang patuloy na inaalam ang motibo sa pananambang.