Bro, kahit seldom mo lang gawin 'yan, bad pa rin… Inggratong aktor, nag-ober da bakod lang, sini

BLIND ITEM:

Inggrato at walang utang na loob ang isang aktor na hindi naman sikat at hindi rin gaanong guwapo pero may lakas pa ng loob na siraan ang network na nag­bigay sa kanya ng magagandang projects.

Sa ilang taon na ipinamalagi niya sa network na kumalinga sa kanya ay pinagbida naman siya sa serye at markado lagi ang kan­yang role. Kahit papaano ay kumita naman siya nang malaki sa network at natu­lungan na magkaroon ng magandang career.

Ngayong tapos na ang kontrata niya sa network at nag-ober-da-bakod na siya, puro kapintasan ng iniwang network ang sinasabi niya sa kanyang mga interviews. Puring-puri naman niya nang husto ang nilipatang network.

Kaya ang mga artistang dati niyang nakasama-nakatrabaho sa iniwang network ay nagkakaisa sa pagsasabing hindi naman siya kawalan dahil hindi siya naging asset. Dismayado ang mga co-stars ng walang utang na loob na aktor dahil sa ginagawa nitong paninira sa iniwang network.