Mga seaman at taong may birthday na 7, 16 at 25, suwerte ngayong September

Sr. Socrates Magnus II

Bigyang-daan natin ang pagpapatuloy sa ma­halagang astrolohikal na impormasyon ngayong Setyembre na ang bunta­lang Neptune ay “opposite to the Sun”.

Ito ay nagsasabing, sob­rang liwanag ni Neptune da­hil direktang naliliwana­gan siya ng The Sun. Kumbaga, kay Neptune nakatumbok ang liwanag ng Haring Araw.

At tulad ng nasabi noong nakaraan, Neptune ang ru­ling planet ng mga taong may zodiac sign na Pisces. Dahil dito, ang mga isinilang sa zodiac sign na Pisces ay pinaniniwalaan na maglili­wa­nag ang kapalaran kaya sila rin ay sinasabing masu­werte sa panahong ito.

Bukod sa mga nasa Pis­ces, sino pa ang mabibiya­ya­an ng masuwerteng kapa­laran?

Dahil ang number ni Neptuno ay 7 o siyete, ang mga isinilang sa ika-7, 16 at 25 ay masuwerte rin. Ka­bilang sa mga papalarin ay ang mga taong may bitbit na numerong 7.

Gayundin, dahil si Nep­tuno ay tinatawag na “God of the Seven Seas”, ang mga may hanapbuhay na may ka­­ugnayan sa dagat ay pa­palarin din.

At dahil si Nep­tuno ay may nickname rin na “God of Voyages”, ang mga man­la­lakbay o mga may hanap­bu­hay na pumupunta sa ma­lalayong lugar ay kabilang din sa mga papalarin.

Gayunman, dahil si Nep­­­tuno ang sinasabing Hari ng Karagatan, ang mga bagay na makukuha sa dagat ay magsisilbing ‘very power­ful lucky charms’ sa sinu­mang magmamay-ari nito.

Para sa mga taong hindi napabilang sa mga susuwer­tehin, puwede silang magka­roon ng magandang kapa­laran o makabahagi sa mga suwerteng regalo ni Neptu­no sa mga tao.

Sa simpleng paraan na dumikit sa mga taong na­banggit o kaya ay pasayahin ang nasabing mga nilalang sa itaas, pakisamahan, rega­luhan, isama sa lakwatsa, pa­kainin ng masasarap at iba pang bagay na ikatutuwa ng mga “Anak ni Neptuno”.

Good luck and God bless!