Coed, tiklo sa droga

NABISTO ang 23-an­yos na college student nang makuhanan ng pinatuyong dahon ng marijuana sa loob ng kanyang bag habang pa­pasok ito sa eskuwelahan sa Makati City.

Nasa kustodiya ng Ma­kati City Police ang estud­yan­teng si Nathaniel Razo­nable, 2nd year college ng Uni­versity of Makati (UMAK).

Base sa ulat na nakara­ting kay Makati City Police Chief P/Col. Rogelio Simon, nahuli ang estudyante sa na­banggit na unibersidad sa JP Rizal Extension, Makati City alas-10:45 ng umaga.

Sa imbestigasyon ng pu­lisya, habang nag-iinspeksi­yon ang security guard sa mga gamit ng mga estud­yante papasok sa kanilang unibersidad nang mapansin nito ang nakabalot sa yellow pad na kanyang binusisi at doon nakita ang marijuana na tangka sanang ipasok ni Ra­zonable.

May nakuha pang glass tube na may residue pa ng marijuana kaya agad hinuli ng sekyu ang suspek at dinala sa himpilan ng Makati City Police.