Bagyong Marilyn, hahataw

LUMAKAS pa ang bagyo na tatawaging ‘Ma­rilyn’ kapag pumasok na sa teritoryo ng Pilipinas sa Bi­yernes.

Huling namataan ng Philippine Atmospheric, Geophysical and Astrono­mical Services Administra­tion (PAGASA) ang bagyo sa layong 1,495 kilometro sa silangan ng Visayas at nasa labas pa ng Philippine Area of Responsibility (PAR).

Taglay ng bagyo ang lakas ng hangin na hanggang 55 kilometro kada oras ma­lapit sa gitna at pagbugsong hanggang 70 kilometro kada oras. Sa bilis na 15 kph kumi­kilos ang bagyo patungong silangan-hilagang-silangan.

Sa Biyernes ng umaga inaasahang papasok sa PAR ang bagyo at nasa la­yong 1,150 kilometro ng si­langan ng Aparri, Cagayan. Hindi na inaasahan ng PAG­ASA na tatama sa lupa ang nasabing bagyo.