Jeepney driver, tinodas ng 2 katoma

DEDO ang 42-anyos na jeepney driver matapos pagsasaksakin ng dalawang kainuman sa Valenzuela City, kamakalawa ng gabi.

Dead-on-arrival sa Va­lenzuela Medical Center sanhi ng mga saksak sa ka­tawan si Richard Time­ña, ng Gen. T. de Leon habang nadakip ang isa sa mga sus­pek na si Ricthell Divina Gracia, 38, samantalang, nakatakas ang kasabwat na si Sherwin Devilla, 34.

Sa report kay Valenzuela Police Chief P/Col. Carlito Gaces, alas-10:45 ng gabi, nag-iinuman ang biktima at mga suspek sa J.E. Fama Compound nang magkaroon ng pagtatalo sa pagitan ng mga ito sa hindi malamang dahilan.

Para makaiwas sa gulo, nagpasya ang biktima na umuwi subalit, sinundan siya ng mga suspek saka pi­nag­­sasaksak.