Foreign investments at tax reform bills, aprub na

INAPRUBAHAN sa ikatlo at huling pagbasa ang House Bill 304 o Passive Income and Financial Inter­mediary Taxation Act (PIFITA) at HB 300 o Amend­ment of the Foreign Investments Act (FIA).

Ito ang ikalawa at ikat­long prayoridad na panuka­lang-batas na naipasa, ma­tapos ang sa pagpapataw ng dagdag-buwis sa alak at si­garilyo.

Iniakda ni Committee on Ways and Means Chairman Rep. Joey Sarte Salceda ang PIFITA Bill na layong ba­guhin ang National Internal Revenue Code of 1997 at ire­porma ang sektor ng pinan­siyal sa Pilipinas.

Samantala, ang FIA Amendment Bill, na pa­ngunahing isinulat ni Rep. Victor Yap ay layong mabago ang Republic Act No. 7042, kilala rin bilang “Foreign Investment Act of 1991” sa pamamagitan ng pagpayag sa mga dayuhan na maisa­gawa ang kanilang propes­yon sa Pilipinas, at pababain ang bilang ng kailangang mga lokal na empleyado para sa ilang mga negosyo.

Samantala, maituturing umano itong record-breaking na tagumpay ng Kongreso sa ilalim ng pamumuno ni House Speaker Alan Peter Cayetano. (BRT)