Babaeng first and last na ang magiging BF, kita sa palad

Maestro Honorio Ong

KATANUNGAN

1. Twenty-three years old na ako at wala pa ring nobyo hanggang ngayon. Hindi ko maiwasang ma­inis sa mga pinsan ko na may kani-kanyang BF dahil parang ipinagma­ma­laki at iniinggit pa nila ako.

2. Mayroon namang nanliligaw sa akin pero wa­lang seryoso at ang iba, bukod sa torpe ay hindi ko naman gusto.

3. Gusto ko kasi ay pormal na nanliligaw sa ba­hay namin para ma­ram­daman ko ang sinse­ridad ng isang lalaki.

4. Maestro, kailan kaya ako magkaka-boy­friend para hindi na ako naa-out of place kapag ka­sama ko ang mga pinsan ko?

Kasagutan

1. Kapansin-pan­sin ang walang biyak at magandang Heart Line (Drawing A. at B. h-h arrow a.) sa kaliwa at kanan mong palad. Ito ay tanda na kaya hindi ka pa nagkaka-boyfriend ngayon, kung sino ang una mong maging nobyo ay siya na rin ang iyong mapapa­ngasawa kung saan naka­takda siyang dumating sa lugar na hindi mo inaakala at sa pagka­kataong hindi mo inaasahan na kinumpirma na­man ng Heart Line din (Drawing A. at B. h-h arrow b.) na na­mataang tumung­tong sa Bundok ng Tagum­pay (ar­row b.) sa kaliwa at kanan mong palad.

Tanda na, min­san ka lang magma­mahal, minsan ka lang mag­kaka-boy­friend at ang min­sang ito ay magiging suc­cessful, mali­gaya at magi­ging panghabam­buhay na.

2. Ang pag-aanalisang kung sino ang magiging first boyfriend mo ay siya na rin ang mapapangasawa mong lalaki na madaling kinumpir­ma ng kaisa-isang Marriage Line (Drawing A. at B. 1-M arrow c.) sa kaliwa at kanan mong palad kung saan napa­kasuwerte mo dahil kung paano ka naging tapat sa iyong boyfriend ay ganundin siya sa iyo.

Hanggang ang nasabing tapat at wagas na samahan ay mauuwi na rin sa ma­ligaya at pangha­bam­buhay na pagma­ma­halan.

Dapat Gawin

Ayon sa iyong mga datos, Alisson, sa kasalukuyang taon sa buwan ng Disyembre bago sumapit ang Pasko, ti­yak ang magaganap, maki­kilala mo na sa wakas ang la­laki na una at huli mong ma­mahalin na isinilang sa zodiac sign na Aquarius at may mga birth date na 1, 10 at 19, tulad ng nasabi na. Sa sandaling kayo ay nagkaki­lala, magkakahulugan agad kayo ng loob at unti-unti nang mabubuo ang mainit at pang­habambuhay na pag­ma­mahalan.