3 nadale sa pinulutang palaka

GINAGAMOT ang tatlong magkukumpare ma­karaang mamulutan ng pa­laka kamakalawa ng gabi sa Balungdao, Pangasinan.

Kinilala ang mga naos­pital na sina Martin Ocam­po, Larry Feceo at Emil De­cena, pawang nasa hustong edad, may asawa at nanini­rahan din sa nasabing lugar.

Ayon sa mga kaanak ng mga biktima, bandang hapon nang mamingwit ng palaka ang tatlo sa likod ng kanilang bahay na kanilang inadobo saka pinulutan. Hanggang sa makaram­dam ng sakit ng tiyan, pa­ninikip ng dibdib at pagkahilo ang tatlo kaya agad silang dinala sa ospital.