Walang pensiyon.. P1,000 monthly kina lolo‘t lola

INIHIHIRIT ni Senator Kiko Pa­ngi­linan na maka­tanggap ng P1,000 kada bu­wan ang lahat ng senior ci­tizens na hindi pa nakaka­tanggap ng kahit anong pen­siyon.

Layunin ng Senate Bill 259 na baguhin ang umiiral na batas Republic Act 9994 o ang Expanded Senior Citizens Act of 2010 sa dalawang paraan: Doble ang buwanang pensiyon mula P500 to P1,000; palawakin ang programa mula sa pag­sasaklaw lamang sa mga indigent senior hanggang sa lahat ng senior.

“Kinikilala natin ang mga contribution ng ating mga senior citizen sa pag-unlad ng bayan. Nagbigay ng ginhawa ang ipinasa nating batas sa tatlong mil­yong mahihirap na senior pero, malaki pa ring porsi­yento ng mga senior ang ‘di kasama sa programa,” ani Pangilinan.