3 holdaper ng taxi, arestado

TIMBOG ang tatlong holdaper na nambiktima ng taxi driver sa Caloocan City.

Kinilala ni Caloocan Po­lice Chief P/Col. Noel Flo­res ang mga suspek na sina Ralph Bertulfo alyas Rap Rap, 34, cellphone techni­cian; Oliver Ramil, 45, barker at Jiener Billones, 23, bar­ker.

Ayon kay Col. Flores, alas-5:00 ng madaling-araw nang dumulog sa Caloocan Police Community Precinct-3 ang taxi driver na si Virgilio Suganob, 58, ng San Jose del Monte, Bulacan, matapos holdapin ng mga suspek sa Bgy. 176, Bagong Silang, alas-3:30 ng madaling- araw.

Agad nagkasa ng follow-up operation ang mga tauhan ng PCP-3 sa pangunguna ni PMaj. Jobbie Astucia na nag­resulta sa pagkakaaresto sa mga suspek.

Nakumpiska sa mga sus­pek ang cellphone na nagka­kahalagang P1,300, isang sumpak at dalawang bala ng 12 gauge shotgun, pen gun, tatlong bala ng caliber .38, pekeng baril at granada ha­bang hindi na nabawi ang P1,500 na pang-boundary ng taxi driver.