2 puti at 1 dilaw na paruparo, suwerte at magandang love life ang hatid

Sr. Socrates Magnus II

Bigyang-daan natin ngayon ang email ni Alex ng Alexa_Mae@face-book.com

Dear Señor,

Ano ang ibig sabihin ng paruparo na kulay di­law na dumapo sa damit ko? Minsan, may puma­sok sa kusina namin na dalawang butterflies pero color white naman. Sabi nila, suwerte raw ‘yun. Susuwertehin nga kaya ako?

Rito sa amin, nagulat ako nang dumami ang mga butterfly, samanta­lang, noon ay wala na­man sila.

Maraming salamat!

Naghihintay,

Alex

Sa iyo Alex,

Alam mo, iha, nakagu­gulat talaga ang mga nang­yayari sa mundo ngayon. Nakamamangha ang big­laang pagdami ng butter­flies.

Maaaring isipin ng fans ng mga engkantada na sasakupin na tayo ng mga diwata.

Mas magan­da kung ga­nu’n dahil ang hindi maganda ay kung saku­pin tayo ng mga engkanto at mga maligno.

Gayundin, sa kabila ng katotohanang nasisira ang kalikasan ay ang pag­buti ng kalagayan ng mga halaman. Nagbabalita rin na gumaganda ang mun­do ng mga maliliit na ha­yop.

Ito ang tagong dahi­lan kung bakit madalas nang makita ang butter­flies ngayon. Kakaiba sa inaasahan ng negatibong mga dalubhasa na mawa­wala na ang mga insekto sa mundo.

Ayon sa paniniwala, may dalang magagan­dang kapalaran ang mga paruparo.

Ang kulay yellow ay nagsasabing, yaya­man o makahahawak ng mara­ming ginto ang sinu­mang darapuan, pero, wa­lang mga ginto ngayon kaya ang makabagong ka­hu­lugan nito ay makaha­hawak ka ng maraming pera.

Ang kulay puti naman ay nagbabalita ng magan­da at malinis na kapalaran, mga suwerteng makuku­ha dahil sa wagas at da­lisay na personalidad ng darapuan o makakikita ng mga puting paruparo.

Pero, dahil nakita mo na pumasok sa inyong ku­sina ay ang mga naghaha­bu­lan, nangangahulugan na sila ay nagliligawan at mauuwi sa ‘mating’ o pag­re-reproduce.

Ang naghahabu­lang dalawang puting paru­paro ay nagsasabing, na­ha­harap ka ngayon sa ba­gong kabanata ng iyong love life kung saan maaari kang makapag-asawa. Ang marriage na papasu­kin mo ay mapapabilang sa tinatawag na “marriage made in heaven”.

Good luck and God bless!