4 sasakyan nagkarambola, 1 patay, 22 sugatan

ISA ang kurpimadong nasawi habang 22 ang su­gatan matapos magkaram­bola ang apat na sasakyan sa Bgy. Angles, Atimonan, Quezon.

Alas-4:40 ng madaling-araw, binabagtas ng AMV Elavil Tourist bus na dala ng sus­pek na si Aldin Madara, 35, ng Bgy. Matoogtoog Mer­ce­dez, Daet, Camarines Norte at patungong Bicol.

Pagpasok sa makur­badang daan, um-overtake umano ito sa isang tricycle.

HIndi nito napansin ang kasalubong na trailer truck na minamaneho ng nasa­wing driver na si Ireneo Abayon, 59, ng Bgy. Malagos Dis­trict, Davao City.

Pinilit pang ikabig paka­nan ng nasabing bus upang makaiwas sa salpukan su­balit, nasapol din ng truck hanggang sa masagi rin nito ang dalawang motorsiklo bago tuluyang pumasok sa isang kabahayan sa lugar.

Bumaligtad naman ang nasabing truck kaya dead-on-the-spot ang driver nito habang sugatan ang mga pa­sahero ng bus at mga pahi­nante ng truck kabilang ang driver ng bus at driver ng mo­torsiklo.

Kinasuhan na sa pu­lisya ang suspek na maha­harap sa kaukulang kaso.