‘Pinas, naka-5 bronze sa Asian U Soft Tennis Championships

NAKAPAG-UWI ang Pilipinas ng limang bronze medal sa katatapos na 1st Asian University Soft Tennis Championships at 1st Asian University Juniors Soft Tennis Championships sa Colegio San Agustin (CSA) indoor tennis court sa San Jose Del Monte, Bulacan.

Nakapagbulsa si National team mainstay Princess Catindig ng tatlo nang sumampa siya sa semifinal ng women’s 21-under category sa Asian Juniors. Naging semifinalist sia sa singles at pinamumunuan ang team sa Final 4 ng Asian University.

Dumagdag sina Philippine Army’s Mark Alcoseba ng 2 bronzes mula sa men’s singles at team event ng torneo na inorganisa ng Asian Soft Tennis Federation (ASTF) at Philippine Soft Tennis Association (PSTA).

Ang Asian University Soft Tennis Championships ay nagsisilbing test event para sa 30th SEA Games na idaraos sa Nob. 30 hanggang Dis. 11. Kabuuang 450 players mula sa 13 bansa ang lumahok sa kompetisyon na sinuportahan ng Philippine Olympic Committee (POC), Philippine Sports Commission (PSC), Kenko balls at ng University of Perpetual Help.

Umaasa ang Pilipinas na lalampasan ang 1 silver at 5 bronze medals na nakuha sa Palembang, Indonesia noong 2011 SEA Games, kung saan huling napabilang ang soft tennis sa biennial tournament. (MC)