Utos ni P-Digong sa DA at NFA.. Palay ng mga magsasaka, bilhin sa tamang halaga

PINAKILOS ni Pangu­long Rodrigo Duterte ang Department of Agriculture (DA) at National Food Au­thority (NFA) na bilhin ang palay ng mga magsasaka sa tamang halaga dahil sa epek­to ng Rice Tariffication Law.

Ito ay makaraang umal­ma ang mga magsasaka na bumagsak na ang presyo ng palay sa P7 kada kilo kum­para sa P21 kada kilo noong hindi pa ipinatutupad ang Rice Tariffication Law.

Sinabi ng pangulo na hindi na baleng malugi ang gobyerno basta siguraduhing matutulungan ang mga mag­sasaka.

Gayunman, apela ng pa­ngulo sa mga magsasaka, ti­yakin lamang na magiging reasonable ang presyo ng mga ibibenta nilang palay.

“But you cannot demand a price, you arrive at a com­promise of how much you are willing to lose a little bit. Tapatan lang, basta hindi malugi ang pagod nila, they are compensated but do not demand a price that is un­reasonable,” wika pa ni Pangulong Duterte.

Idinepensa rin ng Pu­nong Ehekutibo ang nilagdaang Rice Tariffication Law dahil kailangan umanong isa­alang-alang ang kapakanan ng higit na nakararami.