O, momshie, oks na oks kay bagets! Mga batang may alagang aso o pusa, mas madaling natututong magbas

HINDI madaling magtiwala kapag anak ang pinag-uusapan, ‘yung tipong dapat natikman, nasubukan o may ideya muna tayo sa isang bagay bago natin ito ibigay sa kanila tulad ng pagbibigay ng ‘pet’ o alagang hayop.

Marahil, karamihan sa atin, iniisip na delikado ito dahil baka makalmot o makagat sila nito, pero alam n’yo bang mara­mi itong ma­gandang epek­to?

Narito ang ilan sa mga be­nepisyong na­ku­ku­ha ni bagets sa pagkakaroon pet:

1. NAGIGING RESPONSABLE. Kapag binigyan natin ng pet ang ating mga anak, ito na rin ang pagkakataon kung saan kailangan nila itong pakainin, alagaan at ma­halain. Natural na nagkakaroon sila ng ‘sense of responsibility’ dahil hindi nila pu­wedeng pabayaan ang mga ito.

2. NAPA-PRACTICE ANG NON-VERBAL COMMUNICATION SKILLS. Ang mga hayop ay mayroong ibang paraan ng komunikasyon, hindi nila kailangang mag­sabi na mahal nila tayo dahil sa kanilang pag­lalambing ay mararamdaman na natin ito.

Ayon sa research ng Kansas State Uni­versity, ang mga preschooler na mayroong aso at pusa ay mas magiliw sa pag-aaral kaysa sa ibang bata na wala nito. Madali nilang na­kukuha ang mensahe ng kanilang guro ka­hit hindi pa sila lubusang naka­pag­sasalita o na­kaiintindi sa mga bagay-bagay.

3. NABABAWASAN ANG KANI­LANG LUNGKOT. Para sa mga working parent, oks kung bibigyan ninyo ng pet ang inyong anak para maiwasan ang kani­lang pagiging malungkutin o ‘yung pa­ki­ramdam na mag-isa dahil mayroon siyang “kaibigan” na makakasama at makalalaro.

4. NASASANAY SILANG MAG­BASA. Karamihan sa mga bata, gustung-gusto na binabasahan ng libro o ku­wen­to ang kanilang mga alagang hayop. May iba na ‘yung pet nila ang nagsi­silbing “estud­yante” tapos sila naman ang guro at da­hil dito, ma­daling napa-practice ng bata ang kanyang reading skills.

5. NABABAWASAN ANG HOME­WORK ANXIETY. Ang pagpe-pet o pag­hawak sa alagang hayop ay naka­bababa ng presyon ng dugo, kaya kapag gu­magawa sila ng homework, magandang ideya kung itatabi sa kanila ang kanilang pet nang sa gayun ay madali silang kumalma at hindi gaanong ma-pressure sa kanilang pinag-aaralan.

Sa totoo lang, karamihan sa atin na lumaking mayroon nito, hindi sila itinuturing na “alagang hayop” kundi parte na sila mismo ng pamilya. ‘Yung tipong mas komportable at totoo ‘yung saya kapag sila ang kasama mo kaysa sa mga tao, mismo.

‘Yun lang!