Mga dahilan at dapat iwasan para bumaba ang uric acid level

No Problem

AYON kay Dr. Stacy Simpson, Family Medi­cine Physician ng Health ­Line, ang uric acid ay uri ng natural waste product na napo-produce sa pama­magitan ng pagtunaw ng pagkaing mayroong tina­ta­wag na purine. Ang pu­rine ay kadalasang naku­kuha sa karne, sardinas, dried beans at beer.

Ang uric acid ay kadala­sang nakukuha sa maling pag­didiyeta, genetics, obe­sity at stress. Ang ilang health disorders din ay ma­aaring magdulot ng mataas na uric acid level tulad ng kidney di­sease, diabetes, hy­pothy­roi­dism, cancer at pso­riasis. Pa­ano mapaba­baba ang uric acid level sa natural na pa­mama­raan?

1. IWASAN ANG ASU­KAL. Ayon kay See­ma Prasad ng Medical Daily, ang uric acid ay hindi la­mang nagpo-produce ng protein kundi ito rin ay pro­duk­to ng labis na pag­kon­sumo ng asukal. Ang ad­ded sugar sa softdrinks at iba pang mga pagkain ay naka­pagpapata­as ng pres­yon ng dugo na isa sa mga pa­ngu­nahing dahilan sa pag­kaka­roon ng mataas na level ng uric acid. Ang table sugar, fructose corn syrup ay isa rin sa mga panguna­hing dahilan sa pagtaas ng level ng uric acid kaya sey ng experts, huwag ku­main at uminom ng sugary foods at drinks tulad ng soda at mga fruit juice na hinaluan ng refined sugar.

2. UMINOM NG MA­- RAMING TUBIG. Ang pag-inom ng maraming tu­big ay nakatutulong para mag-function nang maayos ang kidneys. Sa tulong ng tubig, napa-flush out ng kid­neys ang uric acid nang mas ma­bilis. Ang payo ng ex­perts, uminom ng tubig kada oras kahit few sips lang.

3. IWASAN ANG AL­COHOLIC BEVERA­GES. Ang pag-inom ng al­coholic drinks tulad ng beer at whisky ay nakapagde-de­hydrate ng katawan. Nati-trig­ger din nito ang pagtaas ng uric acid level dahil sa ma­taas na purines na taglay nito. Nangyayari ito dahil mas kinakailangang una­hing salain ng kidneys ang alcohol na humalo sa dugo imbes na ang uric acid at iba pang dumi sa katawan.

4. PANATILIHIN ANG MAAYOS NATIM­BANG. Ang extra pounds ay naka­pagpapataas din ng level ng uric acid. Ang fat cells ay mas nakapagpo-pro­duce ng uric acid kaysa sa muscle cells. Ngunit, siyem­pre, kailangan pa ring kumonsulta sa nut­ritionist tung­kol sa tamang pagdidiyeta at tamang pa­raan ng pagbaba­was ng timbang.

5. PANATILIHIN ANG BALANSENG IN­SULIN LEVEL NG KA­TAWAN. Kahit hindi dia­betic, sey ng experts, kaila­ngan pa rin ang regular na pagbisita sa doktor para ma-check at ma-mo­nitor ang blood sugar level ng kata­wan. Ang mga taong may­roong Type 2 diabetes ay mayroong mas mataas na level ng insulin sa ugat.

6. DAGDAGAN ANG FIBER CONTENT SA DIET. Ang pagkonsumo ng maraming fiber ay makatu­tulong upang mabawasan ang uric acid sa katawan. Ang fiber din ang nakatutu­long upang mabalanse ang sugar at insulin level at sa tulong din nito, maiiwasan ang labis na pagkain o over­eating. Ma­halagang kumon­su­mo ng 5-10 grams ng fiber kada araw. Ang fresh fruits at vege­tables, oats, nuts at barley ay ang magandang pag­kunan ng fiber.

7. IWASAN ANG STRESS. Ang stress, poor sleeping habits at kakula­ngan sa pag-eehersisyo ay na­kapagpapataas ng inflam­mation sa katawan. Ang in­flammation ay isa sa mga pa­ngunahing dahilan ng pag­­taas ng uric acid level.

Ka­ilangang ugaliin ang mindful techni­ques tulad ng pag-eehersisyo at yoga upang mabawasan ang stress level. Mapa-prac­tice ang good sleeping hy­giene sa pam­ma­gitan ng pag-iwas sa paggamit ng digital screens sa loob ng 2 hang­gang 3 oras bago ma­tulog.

8. IWASAN ANG MGA GAMOT NA NA­KAPAGPAPATAAS NG URIC ACID LEVEL. Ang ibang medications at sup­plements ay nakapagpa­pa­taas din ng uric acid level sa dugo. Ito ay ang aspirin, Vi­tamin B-3 (niacin), diure­tics, immune-suppressing drugs at chemotherapy drugs.

Kaya kung kinakaila­ngang mag-take ng mga na­banggit na ga­mot, marapat na ku­mon­sulta sa doktor tungkol sa mga al­ter­nati­bong paraan ng me­dikasyon.

Now we know, mga lo­di! May mabisang paraan para maiwasan ang mataas na uric acid level, naturally! Okie?