Katiwala ng canteen, kinatay

PATULOY ang imbestigasyon sa pagkamatay ng isang katiwala ng karinderya sa Bgy. Labuin, Sta. Cruz, Laguna.

Kinilala ang biktimang si Benzon Opinion, nasa hustong edad.

Ayon sa may-ari ng karinderya, alas-6:30 ng umaga nang tawagin niya si Opinion upang pagbuksan siya ng pintuan.

Dahil sa katagalan ng pagtugon sa kanya, minabuti nitong tawagan sa telepono ngunit, hindi pa rin ito sumasagot.

Tinungo nito ang likurang bahagi ng kanyang kainan at laking-gulat nito nang makitang nakahandusay sa sahig ang biktima.

Humingi siya ng tulong at pagpasok sa nasabing karinderya, nadiskubreng duguan at wala ng buhay ang biktima.

Inaalam pa kung may nawawalang mahalagang gamit sa loob at iba pang motibo sa krimen.