Grupo ni Faeldon, ipinala-lifestyle check ni sen. Imee

PABLO L. HERNANDEZ III / PRANGKAHAN

GRUPO NI FAEL­DON, SAPOL KAY SEN. IMEE KASI IPINALA-LIFE­STYLE CHECK NA SILA—May duda si Sen. Imee Marcos na may raket na “GCTA (Good Conduct Time Allowance) for sale” para makalaya ang mga pre­song sangkot sa mga karumal-dumal na kri­men. Dahil d’yan, ang hirit niya ay isailalim sa lifestyle check ang grupo ni Bureau of Corrections (BuCor) Chief Nicanor Faeldon.

Patunay ‘yan na mali ang satsat ng oposisyon na magiging tagapag­tanggol lang ng Duterte gov’t. si Sen. Imee kasi kapag may nakita pala itong mali, kahit appointee ni P-Duterte sa Bu­Cor ay sapol sa senadora.

Palakpakan naman d’yan!

◘◘◘

SA STATEMENT NI SEN. “BONG” GO, PAMILYA NG MGA BIKTIMA NG KRI­MEN, NAGKAROON NG PAG-ASA —Ki­tang-kita sa mukha ng pamilya ng mga biktima ng krimen ang lungkot sa pagpapalaya sa mga akusado sa Chiong murder case, drug lords at planong pag-release kay ex-Mayor Antonio Sanchez.

Pero, nang sabihin ni Sen. Christopher “Bong” Go sa Senate probe na may utos na si P-Duterte na huwag palayain si Sanchez at ibalik sa kulungan ang mga pina­laya at papanagutin ang mga korup sa BuCor, kinakitaan ng pag-asa ang pamilya ng mga biktima kasi nangangahulugan itong patuloy nilang makakamtan ang hus­tisya, period!

◘◘◘

HAPPY DAYS NI FAELDON SA BU­COR, MATATAPOS NA?—Galit na sinabi ni Mayor Sara Duterte-Carpio na kasiraan sa ‘war on drugs’ ng kanyang ama ang pagpapalaya ng BuCor sa mga Chinese drug lords at dahil d’yan, ang mungkahi niya ay sibakin na raw si Faeldon.

Hala, tila malapit nang matapos ang happy days ni Faeldon sa BuCor, abangan!

◘◘◘

JUETENG SA BICOL REGION, NAG-BOOM!—Hindi lang daw sa Albay may pa-jueteng kundi pati sa Camarines Sur, Ca­marines Norte at Sorsogon.

Kung totoo ito, aba, dapat “ipatokhang” na nina Albay PD Col. Wilson Asueta, CamSur PD Col. Roderico Roy, Cam­Norte PD Col. Marlon Tejada at Sorsogon PD Col. Melecio Buslig ang mga jueteng lords kasi kapag nalaman ni P-Duterte na illegal gambling ang nag-o-operate sa Bicol Region at hindi ang legal na STL, tiyak na may “pag­lalagyan” sila sa pangulo, boom!