Caretaker tinodas sa burol ng kaibigan

DEDO ang 56-anyos na caretaker matapos barilin ng hindi kilalang gunman ha­bang nasa burol ng kaibigan sa Na­votas City, kamakalawa ng gabi.

Ayon kay Navotas Po­lice Chief P/Col. Rolando Ba­lasabas, hindi umabot ng bu­hay sa Navotas City Hos­pital si Hercules Bernardo, Jr., ng Bgy. Dampalit sanhi ng tama ng bala sa dibdib.

Alas-10:15 ng gabi, nasa lamay ng kanyang kaibigan ang biktima nang dumating ang suspek at walang sabi-sabing binaril ito sa dibdib bago tumakas.

Narekober ng mga ta­u­han ng SOCO sa crime scene ang isang basyo ng bala mula sa hindi pa matukoy na uri ng baril.

Patuloy naman ang imbestigasyon sa po­sibleng pagkakakilanlan at pag­kakaaresto sa suspek ha­bang inaalam pa ang motibo sa insidente.