Athletes village sa clark, open na para sa seag

BINUKSAN na para sa mga atleta ng pambansang koponan ang Athletes Village sa Capas, Tarlac partikular na ang mga track and field athlete’s para tuluyan ng magsimula ang 30th edisyon ng Southeast Asian Games sa bansa simula Nob. 30 hanggang Dis. 11. Ito ay matapos ihayag ni Bases Conversion and Development Authority (BCDA) president at Chief Executive Officer (CEO) Vince Dizon ang anunsyo hinggil sa naging pangako nito kay Philippine Athletics Track and Field Association (PATAFA) president Dr. Philip Ella Juico at mga atletang mananakbo.

“From now on until the start of the SEA Games, the athletes will not only use the facilities but actually live in the athlete’s village for 3 months prior to the SEA Games,” wika ni Dizon sa press-conference noong linggo sa New Clark City sports complex. “We want them to experience the facilities and at the same time live there, only because it’s a couple of meters away sa venue, so umagang-umaga pa lang magagamit na nila ‘yung track oval stadium dito para sanay na sanay na sila sa paggamit ng mga facilities dito comes SEA Games,” dagdag nito. Ang 525-bedroom athletes’ village ay ang kauna-unahang modernong sports complex sa loob ng walong dekada ay nasa loob ng New Clark City Sports Complex na nakatakdang sertipikahan ng International Association of Athletics Federations (IAAF) bilang patunay sa pagpasa nito sa International Standards.