Agawan sa puwesto | KAKOSA SINUNTOK, TODAS

PATAY sa bugbog ang isang preso sa kulungan ng Dasmariñas City Police ka­makalawa ng hapon.

Kinilala ni Police Supt. Nerwin Ricohermoso, ang na­sawi na si Roberto Mari­nas, 55, nakulong sa kasong droga.

Suspek naman ang ka­p­wa preso na si Zaldy Al­varan, 42, nakulong din sa kasong droga.

Sa panayam kay Col. Ri­cohermoso, kapwa nasa loob ng kulungan ang dalawa ka­sama ang iba pang mga preso nang magtalo ang da­lawa nang agawin umano ng suspek ang puwesto ng bik­tima.

Nagkasagutan ang mga ito na nauwi sa suntukan. Hindi naman ito maawat ng mga kapwa preso na ayaw madamay sa gulo.

Sa lakas ng suntok na tinamo ng biktima ay luma­gapak ito sa sementadong sa­hig saka nawalan ng malay.

Agad itong dinala sa pa­gamutan subalit, idi­nekla­rang dead-on-arrival.