Tiniyak ni P-Digong | PUMIRMA SA RELEASE ORDER NG 2,000 CONVICTED MURDERERS, RAPISTS AT DRUG LORDS,

MANANAGOT kay Pangulong Rodrigo Duterte ang sinumang magpapalaya kay dating Calauan, Laguna Mayor Antonio Sanchez.

Nauna nang sinabi ni Sen. ‘Bong’ Go, na hindi rin na­abi­suhan ang pangulo sa pag­laya ng 1,914 na preso dahil sa Good Conduct Time Al­lowance (GCTA).

Sinasabing napabilang sa mga pinalaya ay ilang preso na sentensiyado ng heinous crimes at drug pushers.

Papanagutin umano ng pangulo ang dinaanan ng pa­peles at pumirma sa kani­lang release order.

Nauna nang sinabi ng Palasyo na lahat ng mga preso na sangkot sa heinous crimes pero, pinalaya nang maaga ay dapat maibalik sa kulungan.

Si Sanchez na hinatulan ng pitong habambuhay na pagkakabilanggo ay naka­takda sanang lumaya noong August 20, dahil sa GCTA na nabuking naman ng DOJ.