Tatay, 2 anak tiklo sa P3.7 milyong shabu

APAT katao kabilang ang mag-aama ang naaresto at nakuhanan ng mahigit P3.7 milyong halaga ng shabu sa buy-bust operation sa Bacoor City kamakalawa.

Kinilala ang mga naares­to na si Mastura Salik, 29, mga anak nitong sina Wa­renk, 18, at Saima, 20, at isa pang kasama na si Joplex Roice Lim, 22, pawang mga nasa drug watchlist.

Sa isinumiteng ulat ng Bacoor Police kay Cavite Police Provincial Director Sr. Supt. William Segun, isang malakihang drug-bust ang kanilang inilatag laban sa target na si Mastura.

Isang team na binubuo nina PCpl. John Ranen Tri­nidad, PCpl. Wilver Pascual, PCpl. Emidio Carag, PSSg. Dave Gregor Bautista, PCpl. Yonard Moran, PCpl. Chris­tian Laureta Pat. Ricky Bau­tista at PCMS Emerson Ba­lancin, pawang ng City Drug Enforcement Team/Intel ope­ratives ng lunsod at ka­sama ang ilang miyembro ng PDEA, alas-11:30 ng umaga ikinasa ang buy-bust sa loob ng Strike Ville 4, Bgy. Mam­bog 2 kung saan isang pulis ang umaktong scorer.

Nagpositibo ang tran­saksiyon at nakuha sa mga ito ang may 12 sachets ng shabu na tumitimbang ng hu­mi­git-kumulang 550 grams na aabot sa halagang P3,740,000.

Narekober din ang mga marked money na ginamit sa drug deal.