P-Digong, nakipag-close sa U.S. at China para hindi bombahin ang 'Pinas

KA AMBO / BISTADO

INABISO na ng mga eksperto ang economic crisis sa U.S. mainland.

Sanhi ito ng ‘trade war’ sa pagitan ng U.S. at China!

◘◘◘

DAMAY sa krisis ang Pilipinas.

Maaaring ito ang ipinahihiwatig ni P-Di­gong kamakailan na maghanda ang mga Pinoy sa kritikal na sitwasyon sa mga susunod na araw!

◘◘◘

ANG krisis sa ekonomiya ay karaniwang ugat ng mga nagdaang digmaang pandaigdig.

Nasa teritoryo ng West Philippine Sea (WPS) ang military ship ng U.S. — maaaring ‘yan ang hinihintay!

◘◘◘

SA ‘Ikatlong Digmaang Pandaigdig’, maaaring muling madurog ang Maynila.

Nakatulong ang pakikipag­kaibigan ni P-Digong sa China upang kung sakaling magka­roon ng digmaan, hindi nito bobombahin ang Maynila!

◘◘◘

TALIWAS ang senaryo sakaling todo-suporta si P-Digong sa U.S. at ipagamit ang Pilipinas sa pag-atake sa China, tiyak reresbak ang mga Chinese sa pagpapakawala ng missile patungo sa ating bansa.

Ibig sabihin, ang pagiging neutral ni P-Digong sa pagitan ng U.S. at China ay makatu­tulong upang maipreserba at mailayo sa kapahamakan ang buong bansa!

◘◘◘

IPINAKIKITA rito kung gaano katalas ang diplomasya ni P-Digong kumpara sa mga naunang naupong pangulo sa Malacañang.

Si P-Digong ay may sariling disposisyon at makamandag ang kanyang diplomasya, kaibigan niya si U.S. Pres. Donald Trump at kaibigan din niya si Chinese Pres. Xi Jinping!

◘◘◘

ANG ‘Duterte diplomacy’ ang magliligtas sa buhay ng milyun-milyong Pinoy sakaling magka­initan ang U.S. at China.

Maililigtas din ni P-Digong ang trilyun-trilyong halaga ng ari-arian na mawawasak saka­ling magkaroon ng dig­maan!

◘◘◘

MAHIHIRAPAN ang Pilipinas na makakita pa ng “ikalawang Duterte” sa mga susunod na panahon.

Maaaring may mga pagku­kulang siya, pero ang kanyang ambag sa kapakanan ng mayorya ng mga Pinoy ay mahihirapang pantayan ng mga susunod na pangulo ng bansa!