Nagpira-piraso sa ere; 9 patay | EROPLANO BUMAGSAK, SUMABOG SA RESORT

ISANG private plane ang bumagsak sa isang re­sort sa Barangay Pansol, Calamba City, Laguna, kahapon.

Base sa inisyal na im­bestigasyon, pasado alas-3:00 ng hapon nang bumag­sak ang nasabing eroplano sa isang resort sa Miramonte Village, Purok-6.

Sa panayam kay Calam­ba City Public Information Officer Jeff Rodriguez, nasa ere pa lang ang maliit na eroplano ay pagewang-ge­wang na ito at unti-unting nagpipira-piraso.

Ayon naman kay Jeffrey Rodriguez ng Calamba Public Order and Safety Office, nasa 9 ang patay sa insidente.

Sugatan naman ang mag-inang caretaker ng resort na sina Malou Roca, 40, at John Rey, 20, na agad namang di­nala sa ospital.

Napag-alamang galing sa Dipolog City ang eroplano at papuntang Maynila para sa medical evacuation.

Kabilang umano sa mga sakay ang isang pas­yente, mga nurse, doktor at piloto.

Patuloy pa ang imbestigasyon para sa pagkakilanlan ng mga biktima at ang dahilan ng insidente.