2 kelot tinadtad ng 5
Levi Gonzales
Sep 2, 2019
1 min read
DEAD-ON-ARRIVAL sa ospital ang 21-anyos na lalaki habang kritikal ang kasama nito matapos pagtulungang pagsasaksakin ng limang kalalakihan sa Bgy. Sumilang, Gen. Luna, Quezon.
Alas-11:50 ng gabi, nasa dance party ang biktimang sina Edmon Pedernal, 21, at Leonardo Pastoral, 29, nang biglang lapitan ng limang suspek.
Kinompronta hanggang sa pagsasaksakin ng mga ito sa katawan bago nagsitakas.
Agad silang isinugod sa pagamutan subalit, nasawi si Pedernal habang patuloy na ginagamot si Pastoral.
Pinaghahanap naman ng mga awtoridad ang limang suspek sa nasabing krimen.
Comments