Wrestling sa seag, pinababalik

MAYROON umanong maipapakitang ebidensiya ang kampo ng Wrestling Association of the Philippines (WAP) sa pamunuan ng Philippine Southeast Asian Games Organizing Committee (PHISGOC) upang magkaroon ng event na ito sa 2019 SEAG sa bansa. Ito ang inihayag kahapon ni WAP president Alvin Aguilar matapos ianunsiyo ng PHISGOC ang pagkakatanggal ng 14 events sa biennial meet dahil sa kakulangan ng opisyal na authorization mula sa International o Asian Federation para mapayagan ang event na ito 30th edition na magsisimula sa Nob. 30- Dis. 11.

Ayon kay Aguilar, ipadadala niya mismo sa opisina ni Philippine Sports Commission (PSC) chairman at SEAG Chef de Mission William “Butch” Ramirez sa Lunes (Set. 2) ang mga dokumento at technical handbook na pirmado ng United World Wrestling (UWW) na nagsasabing itutuloy ang event nito sa biennial meet. “On Monday, we will submit the necessary documents, most specially the technical handbook to Chairman Ramirez on Monday so that there will be final decision regarding this issue,” esplika ni Aguilar sa panayam ng BULGAR sa telepono. “In spite of this, we still have a chance to participate in the SEAG. We just need those documents signed through Mr. Kittiposh Suchantbutr of Thailand, who already submitted the requirements to Phisgoc last June, pero hindi nila pinansin,” dagdag ni Aguilar, na siya ring founder nang Universal Reality Combat Championship (URCC).