Resbak ng kalabang grupo | GRADE 10 BINARIL SA ULO

UTAS ang 17-anyos na binatilyo matapos barilin sa ulo ng tatlong lalaking naging kaalitan nito sa Bgy. Handumanan, Bacolod City, kamakalawa ng gabi.

Kinilala ang biktimang si John Martin Ronamo, Grade 10 student. Batay sa inisyal na report ng Bacolod City Police, matagal nang alitan sa pagitan ng kalabang grupo ang hinihinalang dahilan ng pagpatay kay Ronamo at bilang paghihiganti ng kalabang gang.

Nauna rito, nakatayo ang biktima sa labas ng tindahan nang lumapit ang tatlong suspek. Nagkaroon ng komprontasyon sa pagitan nila bago ito binaril sa ulo.

Sa tulong ng mga residente, nahuli ang dalawa sa tatlong suspek kung saan isa rito ay menor-de- edad.