Illegal foreign entertainers, arestado | IBA PANG NIGHT CLUB, LAGOT!
INIUTOS ang pagpapasara sa lahat ng establisimyento na iligal ang operasyon.
Ayon kay Secretary to the Mayor Bernie Ang, ang kautusang ito ni Manila Mayor Francisco ‘Isko Moreno’ Domagoso ay kasunod ng pagkakaaresto sa 10 dayuhang babae na iligal na nagtatrabaho bilang mga entertainer sa isang night club sa Malate.
Una nang binitbit ang mga dayuhang babae matapos ang ginawang inspeksiyon ng mga tauhan ng Special Mayor’s Reaction Team (SMaRT) na pinamumunuan ni P/Maj. Rizalino Ibay.
Agad ni-revoke ni Ang ang business permit ng SHA-SHA KTV Bar sa Malate Crown Plaza sa Adriatico Street, Malate at mabilis na ipinasara.
Nakikipagkoordinasyon na ang lokal na pamahalaan ng Maynila sa Bureau of Immigration (BI) upang malaman ang status ng mga dayuhang babae.
Dagdag pa ni Ang, kung seryoso si Moreno ay ganundin si Vice-Mayor Honey Lacuna bilang acting mayor.
Sinabi ni Ang na may panahon pa ang mga establisimyento na itama ang kanilang sistema upang hindi sila maipasara.
Comments