Hindi maka-move on sa ex kaya ka-holding hands pa sa panaginip
Salaminin natin ang panaginip ni Jho ng Jho _Abiado@facebook.com
Dear Professor,
Ano ang ibig sabihin ng panaginip ko na magkahawak ang mga kamay namin ng ex ko habang naglalakad?
May sinasabi siya, pero hindi ko maintindihan, tapos nagising na ako.
Naghihintay,
Jho
Sa iyo Jho,
May bago ka bang boyfriend? Kumusta ang love life mo ngayon?
Kung ang sagot mo ay oo, ang sabi ng panaginip mo ay hindi ka masaya. Ito rin ay nagpapahiwatig na hindi ka kuntento sa bagong boyfriend mo.
Pero, kung ang sagot mo naman ay wala, as in, zero ang love life mo, ang panaginip mo ay nagsasabing, hanggang ngayon ay nasa puso at isipan mo pa rin ang ex-boyfriend mo.
Tinatawag na “ex” ang nakaraang karelasyon, pero tulad sa iyo na nasa puso at isipan mo pa rin siya, hindi siya matatawag na “ex” dahil mas okay na tawagin siyang “forever” in the world of love.
Paano kung magkaroon ka ng iba sa near future, tama pa rin ba na may “forever”? Oo, iha, sa tulad mo na kahit pa dumami ang maging boyfriend mo, siya pa rin at wala nang iba ang iyong tunay na mahal kaya muli, that is what they called “forever”.
Hanggang sa muli,
Professor Seigusmundo del Mundo
Comments