Hayskul, nakatiyempo | BULLY NIRATRAT, TODAS

PATAY sa pamamaril ang isang lalaking nambu-bully sa estudyante na kapit­bahay nito sa Leyte.

Dead-on-the-spot ang 58-anyos na biktima na si Ar­te­mis Brazil, naninirahan sa Bgy. Cayare, San Miguel.

Nakilala ang suspek na si Jorent Greg Labac­lado, 20, senior high school student ng San Miguel National High School at kasalukuyang gina­gamot sa ospital na nasu­ga­tan sa nangyaring pama­maril nito.

Nabatid sa imbestigas­yon ni Police Master Ser­geant Rico Cañeda ng San Miguel Municipal Police Sta­tion, apat na beses na pi­nagbabaril ni Labaclado si Brazil nang tam­bangan ito malapit sa labas ng bahay ng biktima.

Sinasabing matagal na umanong may galit ang sus­pek sa biktima dahil mara­ming beses na itong binu-bully at pinag­sasalitaan ng masasakit na salita dahil sa estado ng kanilang pamumu­hay.

Isang tama ng bala ng baril sa ulo at tatlong tama sa kata­wan ang dahilan ng aga­rang pagkamatay ni Brazil.

Isinailalim na sa hospital arrest ng pulisya si Labaclado dahil sa tinamong sugat sa kanyang paa dulot ng ligaw na bala na tumama nang bunutin nito ang ginamit na .45 kalib­reng baril sa krimen.

Nahaharap sa kasong murder at illegal possession of firearm ang estudyante.