2 kelot, tinodas ng armado
Pabs Hernandez III
Aug 30, 2019
1 min read
LAGUNA—Dalawang lalaki ang namatay nang pagbabarilin ng hindi kilalang armadong salarin kamakalawa sa Bgy. San Rafael, San Pablo City.
Ang mga biktima ay nakilalang sina Jaymark Espregante, 20, at Dave Christian Garcia, 25, kapwa nakatira sa naturang lungsod.
Nabatid na habang nangunguha ng gagamba ang dalawang biktima ay bigla silang nilapitan ng suspek at agad pinagbabaril.
Iniimbestigahan na ng pulisya ang motibo ng suspek sa pamamaril sa mga biktima.
Comments