Parang hindi raw siya 50 years old… JEAN, HAPING-HAPI NA PURO AFAM ANG KASAMA

Nitz Miralles / BIDA

ACTION ang tema ng peliku­lang Watch Me Kill na entry sa 3rd Pista ng Pelikulang Pilipino at pinagbibidahan ni Jean Garcia. Teaser pa lang ang ipinakita sa mediacon ng PPP, marami na ang nagkainteres sa pelikula. Iba ang dating ng movie sa direction ni Tyrone A. Acierto.

First time magpu-full action si Jean at bilang paghahanda, nag-training siya ng target shooting ng lahat ng klase ng baril mula sa Glock pistols, shotgun, M16 rifle at dumaan din sa Krav Maga training.

“In fairness, proud ako sa movie at sa mga ginawa ko rito, parang hindi ako 50 years old,” biro ni Jean.

“Kaya ko rin tinanggap ang Watch Me Kill ay dahil gusto kong ma-experience to work with a director na nag-aral sa Amerika at masasabi ko, hindi ito typical action movie,” patuloy ni Jean.

Naikuwento rin ni Jean na puro bata ang nasa production mula sa director, DOP, sound engineer, music at lahat ng technical people. Mga bata at mga Afam, sabi nga nito, napaligiran siya ng mga guwapong tao sa shooting.

Cool-blooded hired killer ang role ni Jean bilang si Luciana and she drives an owner jeep sa shooting.

Ipinagmamalaki pa ni Jean na for this movie, gumamit uli si Director Tyrone ng negative na ginagamit sa paggawa ng pelikula dati.

“Live sounds din kami at ang pre-productions, sa Amerika pa ginagawa. Saka, after ipalabas sa 3rd PPP na will run from September 13 to 19, in competition ang Watch Me Kill sa Warsaw Interna­tional Film Festival na tatakbo mula October 11 to 13 and the only Filipino film na kasama sa film festival. I’m really, really proud of this movie,” pagtatapos ni Jean.

Samantala, kasama si Jean sa The Gift, ang bagong teleserye ng GMA-7 na bida si Alden Richards. Gaganap siyang biological mother ni Alden at si TJ Trinidad naman ang ama ng Pambansang Bae.

Third time na nilang magkasama ni Alden, mula sa Alakdana, One True Love at ngayon, sa The Gift.