'Di na raw kailangan ng datung, tumanggi sa show… SIGAW NI SHARON: 'DI NA SHOWBIZ ANG PRIORI

Anj Cabilla / PAK ANG GANAP

IBINUKING ni Sharon Cuneta na tumanggi siyang gumawa ng TV show ngayon habang nag-aaral ng kolehiyo ang anak niyang si Frankie Pangi­linan sa America.

Ito’y kaugnay ng pagkaka-out niya bilang coach ng reality singing competition na The Voice Kids kung saan kasama niya ang mga premyadong singers na sina Sarah Geronimo, Lea Salonga at Bamboo.

Pormal itong inanunsiyo ni Megastar sa kanyang official YouTube channel na tina­wag niyang Sharon Cuneta Network. Mapapanood sa video ang pag-send-off ng pamilya ni Sharon sa anak.

Sinabi ni Frankie na uuwi siya sa ‘Pinas every three to four months, pero ayon kay Megastar, bibisitahin din niya ang anak kapag wala siyang trabaho.

Esplika ni Sharon, “Actually, I’ve been declining, not even considering, offers for a new show because I don’t wanna be tied down here weekly.”

Kapag wala raw siyang show, puwede siyang lumipad pa-US at bisitahin ang anak sa New York.

Hindi ito alam ni Frankie noong una kaya aniya, “I really felt bad when I found out about this.”

Paliwanag ni Sharon, “It’s priorities. I’m old enough and I think I’m secure enough, thank God, to be able to decide on things like that, and take my real feelings into consideration and follow my priorities in order.

“And my priority now—it’s always been but now more than ever—my family because I’m in a good position.

“I have obligations. I love my work, too, but not half as much as I love my kids. So, I want to be able to go for a couple of weeks without worrying.”

Ayon kay Sharon, “naka-singing, pagko-concert at paggawa ng pelikula mode” siya ngayon kaya ayaw niya ng mabigat na weekly schedule.

Sa ngayon, bukod sa focus niya sa kanyang pamilya, naghahanda rin si Mega­star sa pagsasama nila ni Asia’s Songbird Regine Velasquez para sa concert nila sa darating na October 18 at 19 na may titu­long Iconic at magaganap sa Araneta Coliseum.