Misis nakaaway, mister nagbigti

DEDO ang 44-anyos na mister matapos magbigti ma­karaang makatalo ang kan­yang misis dahil sa selos sa Valenzuela City, kama­ka­lawa ng gabi.

Kinilala ang nasawi na si William Aquino na natag­pu­an ng kanyang anak na naka­bigti gamit ang sinturon sa loob ng kanilang bahay sa Malinta Bukid.

Sa pahayag ng asawang si Althea, 42, kay Valenzuela Police SIDMB Chief P/Ma­jor Amor Cerillo, pagdating niya ng bahay galing sa tra­baho alas-10:30 ng gabi ay umiiyak na sinalubong siya ng anak at sinabing nagpa­kamatay ang ama.

Agad tinungo ng ginang ang silid nilang mag-asawa at bumulaga ang nakabigting asawa saka pinutol ang naka­pu­lupot na sinturon sa leeg bago itinakbo sa Valenzuela Medical Center subalit, hin­di na ito umabot ng buhay.

Nabatid sa ginang na noong Sabado ng gabi ay muli silang nagtalo dahil sa selos.