Mga bading ‘wag nang ipilit gumamit ng CR ng babae, pls. lang!

PABLO L. HERNANDEZ III / PRANGKAHAN

PAGGAMIT NG MGA BADING SA CR NG MGA BABAE, ‘WAG NANG IPILIT! —Ma­tagal nang tanggap ng publiko ang pagkatao ng mga bading o lalaki na pusong-babae.

Ang hindi lang ka­tang­gap-tanggap ay ang gustong mangyari ng transgender na si Gret­chen Diez na silang mga bading ay payagang pumasok at gumamit sa CR (comfort room) ng mga babae kasi sabihin man na nakabihis-babae sila, lalaki pa rin sila, boom!

◘◘◘

MAGANDA ANG LAYUNIN NG MALA­SAKIT CENTER, PE­RO SI LAGMAN, KINU­KUWESTIYON ITO—Pinutakti ng batikos si Albay Rep. Edcel Lag­man sa pangunguwestiyon nito sa programang Malasakit Center nina P-Duterte at Sen. Christopher “Bong” Go.

Talagang batikos ang aabutin ni Cong. Lagman sa publiko kasi gumawa na ng paraan sina P-Du­terte at Sen. Go na mailapit sa mamama­yan na nanga­ngailangan ng tulong-medikal ang progra­mang tulad ng Malasakit Center na funded ng PCSO, PAG­COR, DSWD, Phil­Health at DOH na inilalagay sa mga public hospitals tapos kinuku­westiyon pa niya, tsk-tsk-tsk!

◘◘◘

OPEN NA ANG STL, PERO SA AL­BAY, JUETENG ANG NAG-O-OPERATE?—Aprub na kay P-Duterte na muling mag-operate ang Small Town Lottery (STL) basta susunod lang ang mga STL franchise holders sa mga bagong patakaran ng PCSO.

Ang problema sa Albay, hindi raw STL ang ino-operate nina “Jun Moriones” at “Mang Ramon” kundi jueteng.

Paging PNP-Region 5 Director Brig. Gen. Arnel Escobal, Albay PNP Director Col. Wilson Asueta at Albay Gov. Al Francis Bichara, pakitokhang n’yo na sina “Jun Moriones” at “Mang Ramon” kasi ka­pag nalaman ni P-Duterte na jueteng ang nag-o-ope­rate sa jurisdiction n’yo at hindi STL, malamang, malintikan kayo, boom!

◘◘◘

“TASK FORCE MA­VERICK”, NA­MA­MAYAGPAG SA PROTECTION RAC­KET —Noong panahon pa ni ex-PNP Chief Gen. Nicanor Bartolome binu­wag ang PNP-Task Force Maverick dahil nasangkot ito noon sa protection rac­ket ng mga iligalista sa bansa.

Pero, sa kabila na lansag na ang “Task Force Maverick” ay may grupo raw ng mga “tongpats” collector ang gumagamit pa rin sa task force na ito para makapanghingi ng payola sa mga iligalista, buwisit!