HPG officer, pinagbabaril ng riding-in-tandem

NASA kritikal na kala­gayan ang retiradong mi­yembro ng Philippine Na­tional Police-Highway Pat­rol Group matapos pagba­barilin sa Surigao City, Su­rigao del Norte.

Kinilala ang biktimang si Alfredo Aristan, 63, nagsi­silbi ring LTO officer ng Surigao del Norte.

Ayon sa paunang pag­sisiyasat, lulan ng kanyang motorsiklo ang biktima nang sumulpot ang dalawang sus­pek na sakay ng motor.

Nang masabayan ang biktima, agad pinaputu­kan ng mga suspek ang da­ting pulis na sumemplang at bu­mulagta.

Mabilis na naisugod sa ospital ang biktima na nag­tamo ng mga tama ng bala ng baril sa mukha at iba pang bahagi ng kanyang katawan.

Patuloy namang pinag­hahanap ng mga awtoridad ang mga suspek habang ina­alam pa ang motibo ng kri­men.