Albay Rep. Lagman, sablay sa pagkuwestiyon sa Malasakit Center
MARAMI ang naku-curious kung ano ba talaga ang Malasakit Center?
May sakit lang ba ang maaaring magpunta rito?
◘◘◘
HINDI ahensiya o tanggapan ng gobyerno ang Malasakit Center.
Ito ay mistulang one-stop shop!
◘◘◘
BINATIKOS ni Albay Rep. Edcel Lagman ang Malasakit Center kaya nilinaw ni Sen. Christopher “Bong” Go ang mithiin nito.
Binuo ang Malasakit Center upang alalayan ang mga kapus-palad na mabilis makahingi ng tulong sa mga ahensiya ng gobyerno!
◘◘◘
NAGSAMA-SAMA sa isang puwesto ang mga kinatawan ng PCSO, PAGCOR, DSWD, PhilHealth at DOH upang mabilis na maaksiyunan ang mga idinaraing at pangangailangan ng mga nagdarahop.
Taliwas sa paniniwala ni Rep. Lagman, hindi ginagamit ang Malasakit Center sa pOlitika sapagkat ito ay patuloy na serbisyo kahit walang eleksiyon!
◘◘◘
KAHIT sino ay maaaring magsadya rito at hindi kailangan ang mga valid IDs o referral letter mula sa mga pulitiko o kilalang tao.
Mahigit nang 500,000 katao ang natulungan ng Malasakit Center dahil wala silang itinataboy!
◘◘◘
ITINATAG ang Malasakit Center noong 2017 sa pagsisikap nina P-Duterte at Sen. Go.
Ito ay para tulungan na makapagpagamot ang mga nagdarahop na mamamayan!
◘◘◘
NAKAPAGTATAKANG nais ni Rep. Lagman na paimbestigahan ito, gayung aktuwal itong nakaTUtulong sa mga nagdarahop.
Hindi kaya nag-uulyanin na si Rep. Lagman o simpleng naiinggit lang?
He-he-he!
Comments